Hindi na nga mapigilan ang pagsikat ng online seller turned online sensation na si Daisy Lopez o mas kilala bilang Madam Inutz.
Kabikabila ang mga raket na pinupuntahan ni Madam dahil sobra siyang naging indemand. Matapos niyang bitawan ang kontrata niya sa Star Image ay kaagad namang nagpahiwatig ang businessman - vlogger na si Wilbert Tolentino ng nais niyang i-manage si Madam.
Hindi rin nagtagal ay pumirma ng kontrata ang online seller kay Wilbert kung kaya't ito na ang nagma-manage ng career nito ngayon.
Makikita sa mga vlogs ni Wilbert na tinutulungan niya si Madam Inutz. Binigyan niya ito ng pera nangkakahalaga ng 200k upang pampuhunan at pampagamot sa ina nito.
Nariyang binigyan rin niya ito na makapag-shopping spree sa loob ng 2 minuto at umabot sa mahigit 300k ang napamili nito.
Sa pinakabagong vlog na inilabas ni Ogie Diaz sa kanyang youtube channel na Ogie Diaz Showbiz update, sinabi nitong mayroon umanong umááway kay Madam Inutz at sa manager nito.
May mga usap-usapan umano na hindi na ma-reach o hindi na pwedeng basta na lamang makipag collab kay Madam Inutz dahil hindi na ito pinapayagan ng kanyang manager.
Ayon naman kay Ogie ginagawa lamang ito ni Wilbert upang mapangalagaan ang image ni Madam at hindi ito basta basta malaos.
Kung kaya't sinasala ng management ni Inutz ang lahat ng proyektong papasok dito.
Ngunit naging usap usapan ngayon ang inilabas na Tiktok video si Ethel Booba kung saan ay umaacting siya kasama ang kanyang mga kaibigan.
Ipinakita niya sa video na sikat na sikat na celebrity siya na bawal magpapicture sa fans dahil hindi pinayagan ng management.
Ayon pa sa script ni Boobsie na kasama sa nasabing video na "Ang arte naman nun! Bawal magpapicture? ano ka si Justine Bieber? 'Wag kang inutz aaah"
Dito na pumutok ang usap usapan na nagpapásaríng ang kampo ni Ethel kila Madam Inutz at Wilbert.
Matatandaang bago pa man mapunta sa pangangalaga ni Wilbert si Madam ay nauna na siyang pinuntahan ni Ethel Booba upang gumawa ng isang vlog. Sa vlog na iyon ay nagkwentuhan at naginuman sila kasama ang mga kaibigan.
Marami ang nakapanood ng nasabing vlog ni Ethel at talaga namang nasiyahan sa nasabing vlog. Ayon sa usap usapan ay pumunta raw muli si Ethel sa bahay ni Madam na may dalang mga regalo. Isasama daw sana ito sa vlog ni Ethel ngunit hindi ito nakasama sa vlog dahil pinagbawalan ito ng kanyang manager.
Sa ngayon ay wala pa namang sagot sina Wilbert at Madam Inutz sa nasabing issue.
Panoorin ang video sa 11:20 mark.
0 (mga) komento:
Mag-post ng isang Komento