Naging maingay nanaman ang pangalan ng isa sa pinakasikat ng na vlogger ng bansa, ito ang online couple na Jamill na binubuo nila Jayzam Manabat at Camille Trinidad.
Nitong August 19, 2021, naging trending topic sa lahat ng social media sites ang magkasintahan. Napabalita ang biglang pagkawala ng kanilang Youtube channel.
Isa ang Jamill sa may pinakamaraming followers sa Youtube na humigit 12 milyon. Simula ng sila ay magsimulang mag vlog tatlong taon na ang nakakaraan, ay isa sila sa pinakamabilis dumami ang mga taga suporta at followers sa Facebook, Instagram,Twitter at lalo na sa Youtube.
Kung kaya't marami ang nagulat at nalungkot ng mabalita ang biglaang pagkawala ng kanilang Youtube channel.
Marami ang nagbigay ng kanilang kuro-kuro sa totoong dahilan ng Jamill kung bakit sila bigla bigla na lamang nag-quit sa pagva-vlog.
Wala man lamang itong pasabi at bigla na lamang itong nawala sa ere.
Mahigit tatlong taon narin ang dalawa sa mundo ng vlogging kung kaya't nakakagulat para sa kanilang taga suporta at taga hanga ang mga hakbang na ginawa nila.
May mga netizen na nagsabing tila nais daw takbuhan ng magkasintahan ang kanilang obligasyon sa pagbabayad ng buwis.
Kamakailan lang ay naglabas ng anunsyo ang BIR o Bureau of Internal Revenue na mayroon umano silang "couple vlogger" na iniimbestigahan dahil sa biglaang pa shut down ng Youtube channel ng mga ito upang makaiwas sa pagbabayad ng buwis.
Wala namang sinabing pangalan ang nasabing ahensya ngunit marami ang nagsabing ito ang magkasintahang Jayzam at Camille.
Sinabi naman ng Jamill na personal ang dahilan ng kanilang pagtalikod ss vlogging.
Ngunit ilang araw pa lamang matapos ang anunsyong ito ng BIR ay napabalita naman ngayon ang pabebenta ng Jamill sa kanilang mansyon.
Sa facebook post ng isang nagngangalang Rhona Pineda Nilo, ibinebenta nito Jamansion na kilalang kilala na ng mga netizens sapagkat palagi itong nasa vlog ng magkasintahan.
Sinabi sa post na tanging cash lang o bank transfer ang kanilang tatangapin bilang payment menthod.
Bago pa man ang post na ito ay may post rin ang nasabing Facebook user na ibinebenta rin ang sasakyan ng Jamill na si Jamanler o ang Jeep Wrangler na unang sasakyan ng magkasintahan.
May mga usap-usapan na may nabiling bagong bahay sa isang malayong lugar ang dalawa kung kaya't ninais na ng mga itong ibenta ang kanilang mga ari-arian.
0 (mga) komento:
Mag-post ng isang Komento